Wanted sa ‘paglugos’ sa pag-umangkon, nasikop

Wanted sa ‘paglugos’ sa pag-umangkon, nasikop
SunStar Local News GPX

Nasikop ang 39 anyos nga uyoan nga usa ka construction worker nga wanted sa kasong paglugos sa iyang pag-umangkon nga taga Barangay Pancil, lungsod sa Barili.

Matod ni Police Major Janus O. Giangan, hepe sa kapulisan sa Barili nga gikahinabi sa Superbalita Cebu, ang giingong pagpanglugos sa uyoan sa iyang 15 anyos nga pag-u­­mangkon nahitabo sa 2022 ug napasaka ang kasong qualified rape sa Hunyo 2023.

Ang akusado nalutsan og warrant of arrest nga giisyo ni Barili Regional Trial Court Branch 96 Presiding Judge Anabelle Morana Robles.

Matod ni Giangan nga wanted sud sa pito ka bulan ang uyoan, apan sa dihang ilang nasayran nga niuli kini sa ilang dapit sa Barili, gi-serve sa kapulisan ang warrant of arrest.

Way piyansa nga gitanyag ang korte alang sa temporaryong ka­gawasan sa suspek.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph