Gipangbuntog sa Golden State Warriors ang hosts Minnesota Timberwolves, 99-88, ning Miyerkules, Mayo 7, 2025 (PH time), sa Game 1 sa ilang Western Conference 2nd round playoffs series sa National Basketball Association (NBA).
Nahimo kini sa Warriors bisan nibiya sa 2nd quarter ang ilang pambatong si Stephen Curry ug wala na nibalik pagduwa tungod sa nasinati niining angol (left hamstring).
Nagkumboya sila si Buddy Hield, Jimmy Butler ug Draymond Green aron tapakan ang haw-ang nga nabiyaan ni Curry.
Gipangulohan ni Hield ang Warriors pinaagi sa iyang 24 puntos, nidugang og 20 puntos si Butler samtang niamot og 18 puntos si Green.
Ang nahitabo ni Curry nakahatag og kabalaka sa Warriors gumikan kay posible kining makapalta og mga duwa sa series.
Ning pagsuwat, wala pa masayri kon unsa ka seryuso ang pagkaangol sa all-time three-point leader.
Puntos matag usa:
Golden State (99)- Hield 24, Butler 20, Green 18, Curry 13, Payton 8, Kuminga 7, Spencer 4, Podzi
Minnesota (88)- Edwards 23, Reid 19, Randle 18, McDaniels 12, Gibert 9, Divincenzo 7. / Gikan sa Wires