Wastewater treatment facility gibuksan sa Dalaguete sa Sabado

Wastewater treatment facility
gibuksan sa Dalaguete sa Sabado
WATER TREATMENT: Sila si Cebu Governor Gwendolyn Garcia ug Dalaguete Mayor Ronald Allan Cesante nangulo sa pagbukas sa waste water treatment facility. / SUGBO NEWS

Duna nay paagi nga luwas ug limpyo ang tubig nga mobalik sa kadagatan ug magamit usab sa pang agrikultura ug uban pa sa lungsod sa Dalaguete, habagatang Sugbo.

Gipangulohan nila ni Cebu Governor Gwendolyn Garcia ug Dalaguete Mayor Ronald Allan Cesante ang pagbukas sa wastewater treatment facility sa Dalaguete niadtong Hunyo 15, 2024.

Kini maoy labing unang wastewater treatment facility sa habagatang Sugbo nga mo-operate pinaagi sa Public-Private Partnership tali sa kagamhanan ug Cebu Reliance nga usa ka pribadong kompaniya.

Ang maong pasilidad gipundohan og P11 milyunes nga gikan sa lungsod ug Kagamhanan sa Probinsya sa Sugbo.

Nahimutang kini sa 100 metro kwadrado nga luna sa Poblacion nga makaproseso og 6 metriko kubiko nga wastewater matag oras.

Sa maong paagi, malimpyuhan ang hugaw nga tubig gikan sa drainage ug uwan sa lungsod aron masiguro nga limpyo ang tubig nga mobalik sa kadagatan.

Magamit usab ang tubig sa agricultural, industrial, ug domestic.

Lakip sa ningtambong sa maong kalihukan sila si Second District Congressman Edsel Galeos, Board Members Raymond Calderon ug Dr. Stanley Caminero, Samboan Mayor Emerito Calderon, Dalaguete Vice Mayor William Lagahid, ug uban pang municipal officials. / ANV

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph