Gipahibawo sa Philippine Coast Guard District Central Visayas (PCGDCV) nga wala tugoti nga makalawig sa kadagatan ang mga barko nga dunay gibug-aton nga 15 gross tonnage ngadto sa 35 gross tonnage sa kadagatan sa Western Bohol, Eastern Bohol, Northern Cebu ug isla sa Camotes sa Biyernes, Hulyo 17, 2025.
Kini gumikan sa nasinati nga mga dagkong bawod sa kadagatan tungod sa epekto sa Bagyong Crising sa nasod.
Gihangyo ang tanang mga mananagat nga motuman sa maong lagda aron kalikayan ang disgrasya ug risgo sa paglawig.
Subay niini, giawhag usab ang tanang shipping companies nga padayong mag-monitor sa weather updates aron masiguro ang kaluwasan sa mga pasahero. / ANV