Way Pasigarbo sa Sugbo atol sa Charter Day

Subay sa nagpadayong pagpangandam sa Kapitolyo sa ika-456 nga Founding Anniversary, gipahibalo ni Cebu Governor Pamela Baricuatro nga dili prayoridad ang Pasigarbo sa Sugbo.

“Pasigarbo will not be a priority. And (realigning the budget for Pasigarbo), we’re working on it,” matod ni Baricuatro.

Ang opisyal nga Charter day sa Probinsiya sa Sugbo mahitabo matag Agusto 6, apan subay sa tradisyon ang Kapitolyo mopasiugda niini isip usa ka buwan nga selebrasyon. Karong tuiga, maglakip sa mga kalihukan ang naandan na nga Tabo sa Kapitolyo nga usa ka agri-fair, sportsfest alang sa mga empleyado, usa ka pageant, ug uban pang mga kalihukan.

“We’re looking forward to this celebration. It will be a welcome moment of joy amid the challenges we are facing,” matod ni Baricuatro.

Sukad nilingkod sa katungdanan ang gobernador, wala mausab ang iyang desisyon sa pagpadaplin una sa duha ka mga flagship programs sa niaging administrasyon nga mao ang Pasigarbo sa Sugbo ug Suroy Suroy sa Sugbo.

Inay gastuhon sa maong programa, gusto ni Baricuatro nga igahin ang pundo alang sa pagpalambo sa healthcare system sa probinsiya.