Gihisgotan pagbalik sa social media ang paggawas sa retirement ni 8-division champion ug boxing legend Manny Pacquio.
Kini human misaysay ang World Boxing Council (WBC) president Mauricio Sulaiman nga ang Filipino pound-for-pound king gusto moaway kang welterweight champion Mario Barrios.
Gikompirmar ni Sulaiman ang tinguha sa 46-anyos nga si Pacquiao sa pagbalik sa professional ring atol sa interbiyu sa Boxing King Media nga karon nahimo nang viral online.
“That’s a tremendous fight. Manny Pacquiao’s first [world] title was at flyweight – with the WBC – and [now] he wants to retire as the WBC champion, so he’s fighting in the welterweight division,” sigon ni Sulaiman.
Matod pa nga gilantaw ang away karong Hulyo.
Uwahing miaway si Pacquiao niadto pang tuig 2021 sa edad nga 42, diin gipilde siya niadto ni Yordenis Ugas pinaagi sa unanimous decision.
Wa na moaway si Pacquiao human niadto pero padayon kini niapil sa exhibition matches.
Ang 29-anyos nga si Barrios, kinsa gahupot og 29-2-1 record ug 18 knockouts, dakong hagit kang Pacquiao. Gipilde ni Barrios si Ugas sa ilang WBC interim world welterweight match sa wa pa siya nahimong full pledge king human misaka si Terrence Crawford sa 154-pound class. / RSC