WBC title target ni Pacquiao

Manny Pacquiao
Manny Pacquiao

Nasayran sa World Bo­xing News nga ti­nguha ni Filipi­no boxing le­gend Manny Pac­­quiao ang World Bo­xing Council (WBC) welterweight title sa iyang pagbalik og a­­way sa ulahing bahin sa 2024.

Nakuha sa WBN kining maong impormasyon gikan mismo ni MP Promotions chairman Sean Gibbons.

Ang WBC title nahimong bakante dihang gideklatar sa usa sa mayorihiyang boxing bodies sa kalibutan si American Terence Crawford nga ‘Champion in Recess.’

Nagkanayon si Gibbons nga ilang gipunterya nga kontrahon ni Pacquiao si Mario Barrios alang ning maong tahas.

Dili pa lang dugay, nadepensaan ni Barrios ang iyang WBC interim belt sa undercard sa Canelo vs Munguia sa Las Vegas, USA.

Gilaumang ma-upgrade ra si Barrios isip full champion.

Gi-contact na sa WBN ang WBC kon tugtan ba niini ang Pambansang Kamao ng Pilipinas nga makig-away kang Barrios bisan kapin sa tulo ka mga tuig kining wala nakaaway ug napilde pa kini sa katapusan niyang away.

Si Barrios, 29, naggunit og 29-2, 18KOs nga baraha samtang si Pacquiao, 45, naggunit og 62-8-2, 39KOs nga baraha.

Sa kalibre ni Pacquiao, nag­tuo ang WBN nga hatagan kini og kahigayunan sa WBC aron ma­kig-away kang Barrios. / ESL

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph