Nibuhi og kamanduan ang World Boxing Organization (WBO) nga depensaan ni Oleksandr Usyk sa Ukraine ang iyang heavyweight title batok ni Joseph Park sa New Zealand.
Si Usyk adunay 23-0, 14KOs nga rekord samtang si Park naggunit og 36-3, 24KOs nga baraha.
Nagpagawas ang WBO ning maong kamanduan taliwala sa nagpadayong negusasyon sa kampo ni Usyk ug Daniel Dubois sa Britain aron ilugan ang heavyweight undisputed title sa usa ka rematch.
Si Usyk maoy tag-iya sa WBO, World Boxing Council (WBC), ug World Boxing Association (WBA) heavyweight titles samtang si Dubois maoy tag-iya sa International Boxing Federation (IBF) belt.
Gipaundang ni Uysk sa 9th round si Dubois niadtong 2023 sa premiro nilang away ug ning bag-uhay lang, gikataho sa British media nga nagpadayon ang negusasyon sa rematch.
Ang kamanduan sa WBO gilaumang makaapekto sa negusasyon sa rematch nila ni Usyk ug Dubois. / AP