Welga wa makaparalisar

Traffic,PUJ
Traffic,PUJ(Photo by Yans Baroy)

Wa makaparalisar sa mga sakyanan nga pampubliko ang transport strike sa Miyerkules, Nobiyembre 22, 2023.

Sukad sa kaadlawon sa Miyerkules, gi-monitor na sa Cebu City Police Office (CCPO) ang transport strike sa Pagkakaisa ng mga Samahan ng Tsuper at Opereytor Nationwide (Piston) Cebu chapter.

Matod ni Police Lt. Colonel Janette Rafter, deputy city director for operations sa CCPO, nga nag-deploy sila og mga personnel sa kadalanan aron pagpatuman sa seguridad sa pagpanaga kon dunay motumaw nga kasamok.

Hinuon, gihulagway ni Rafter nga malinawon ug wala sila makakita’g problema sanglit daghan gihapon ang mga sakyanan sama sa modern jeep ang nagbiyahe sa ilang tagsa-tagsa ka mga rota.

Apan gipahibawo sa police official nga base sa kamandoan ni Police Colonel Ireneo Dalogdog, hepe sa CCPO, nag-andam na sila og mga sakyanan kon ugaling dunay mga pasahero nga mangatanggong sa karsada aron ilang mahatod sa ilang destinasyon, labi na ang mga tinun-an.

“Base sa among observation, bisan kamo siguro, normal ang pagpanerbisyo sa atong kaigsuonan sa transportation sector,” matod ni Rafter.

Ang Piston hugot sa ilang pagbabag labot sa deadline nga Disyembre 31, 2023, alang sa paghiusa sa mga prangkisa sa mga traditional jeepney sa nasod.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph