Hayag pa sa sidlak sa adlaw nga ang rookie sensation sa San Antonio Spurs nga si French Victor Wembanyama maoy modaug sa Rookie of the Year award sa 2023-24 National Basketball Association (NBA).
Ang 7’4” ug 20 anyos nga basketbolista nag-average og 21.4 puntos, 10.6 ka rebounds, 3.9 ka assists ug NBA-best 3.6 blocked shots.
Gilauman nga si Wembanyama maoy ikatulong magduduwa sa Spurs nga makadaug ning maong pasidungog sunod nila ni David Robinson niadtong 1990 ug Tim Duncan niadtong 1998.
Ang mga kakompetensya ni Wembanyama mao sila si Chet Holmgren sa Oklahoma City Thunder ug Brandon Miller sa Charlotte Hornets. / AP