Sama sa gilauman, hiniusang napili si San Antonio Spurs center Victor Wembanyama alang sa 2023-24 National Basketball Association (NBA) All-Rookie team.
Kauban ni Wembanyama sila si Chet Holmgren sa Oklahoma City Thunder, Brandon Miller sa Charlotte Hornets, Jaime Jaquez Jr. sa Miami Heat ug Brandin Podziemski sa Golden State Warriors.
Si Holmgren, kinsa maoy runner-up ni Wembanyama sa inilugay sa Rookie of the Year award, hiniusa sab nga napili aron malakip ning maong grupo.
Sila si Miller, Jaquez ug Podziemski mao ang milingkod sa ikatulo hangtod ikalima nga puwesto. / AP