Dili gamiton ni Russell Westbrook ang iyang $3.5 million player option sa Denver Nuggets alang sa sunod season sa National Basketball Association (NBA) ug mas gipili niini nga mahimong usa ka free agent.
Mao kini ang gibutyag sa usa ka tinubdan sa The Associated Press. Hinuon, giklaro sa tinubdan nga wala kini nagpasabot nga segurado na nga mabalhin og team si Westbrook.
Ang desisyon ni Westbrook unang gitaho ni NBA reporter Marc Stein nga gikompirmar sa ESPN ug Denver Post.
Sa kasamtangang season, nag-average si Westbrook og 13.3 puntos, 4.9 rebounds ug 6.1 assists. / Gikan sa wires