Ang beterano nga guard nga si Russell Westbrook dunay purohan nga makabuhat og National Basketball Association (NBA) record sa iyang pagsulod sa ika-17 nga season sa liga.
Si Westbrook nga moduwa sa iyang bag-ong team nga Denver Nuggets kuwang nalang og 32 ka assists aron makuha ang career 9,500 assists milestone.
Kon mabuhat kini ni Westbrook sa NBA 2024-2025 season, mahimo siyang ika-9 nga player sa history nga makakuha sa assist milestone.
Siya pud unya ang ikaduha kang Lebron James nga nalakip sa maong assist elite list nga nakahimo pud og 25,000 puntos ug 8,000 rebounds.
Sa laing stats, kuwang nalang pud og 193 ka rebounds si Westbrook aron maabot ang 8,500 mark. Sa history sa liga si Jason Kidd ra ang guard nga nakahimo og 8,500 rebounds pataas. / RSC