Gipamulta sa National Basketball Association (NBA) og $25,000 si Oklahoma City Thunder guard Jalen Williams gumikan sa pagsul-ob niini og T-shirt nga adunay nakaprinta nga bastos nga mensahe atol sa usa ka postgame media session.
Nahitabo kini human sa dominasyon sa Thunder batok sa Denver Nuggets, 125-93, sa deciding Game 7 sa Western Conference semi-finals series niadtong Lunes, Mayo 19, 2025.
Si Williams, kinsa nahimong All-Star sa labing unang higayon ning maong season, nag-average og 21.6 puntos, 5.3 rebounds ug 5.1 assists atol sa regular season. /Gikan sa wires