Ang direktor/host/singer nga si Randy Santiago una ang temporaryo nga mohulip ni Willie Revillame isip host sa public-service program niini nga Wil To Win.
Mao kini ang gipahibalo ni Willie sa live telecast sa iyang show niadtong Lunes sa hapon, Enero 27, atol sa ika-64 nga birthday niini.
Temporaryo nga buhian ni Willie ang iyang programa tungod kay magpapili kini pagka senador karong umaabot piniliay sa Mayo 2025.
Bag-o niini gipailaila si Randy, nihangyo si Willie sa mga viewer niini nga padayon nga motan-aw sa iyang show bisan og wala siya sa iyang programa.
Matod sa host nga wala mosugot ang kadagkuan sa TV5 nga mawala sa telebisyon ang Wil To Win mao nga samtang mangampanya siya, si Randy una ang mihulip niini.
“Mawawala man ako ay itutuloy po natin ang programa para ho makapagbigay ng saya. Sana naman ho, e, huwag ninyong iiwan," hangyo ni Willie.
"Kasi ginawa itong programa na to para sa inyo, so kayo ang bida. Kayo ang maglalaro, kayo ang mananalo.”
Gipailaila dayon ni Willie si Randy nga gihulagway niya nga suod niini nga higala sukad pa niadtong 1983.
“So, sino ba ang makakasama ng mga co-host ko? Sino ang papalit sa yo, Willie? E, wala naman iba, siya lang ang nakasama ko. Mga kababayan, ang taong nag-discover sa akin sa Lunch Date."
"Ang taong napakabait, walang kaaway. Ang ganda ng pagkatao ng taong ito. Walang iba ho, ang hindi nagbabago, Mr. Randy Santiago!”
Ang Lunch Date ang kaniadto noontime show sa GMA-7 tuig 1986 hangtod 1993.
Pagbutyag pa ni Willie nga silang duha ni Randy nahimong OFW sa Singapore kaniadto.
"Ako ang drummer niya, magkatabi kami sa kuwarto. Lahat ng damit niya, yun ang ginagamit ko. Yung akin, hindi ko ginagamit.”
Si Willie nahimong drummer sa Cicada Band, samtang si Randy sab ang lead vocalist. /