Usa lang ka adlaw human sa iyang pag-abot sa Sugbo, ang Welfare and Reintegration Services Division (WRSD) sa Department of Migrant Workers (DMW RO-VII), nibisita kang Lito, dili tinuod niyang pangalan, usa ka seaman nga nipauli gikan sa China tungod sa sakit.
Gibutang siya sa ICU sa usa ka ospital sa China hinungdan nga lisod alang sa Philippine Consulate ilabi na sa DMW ug sa pamilya ni Lito nga mohikay alang sa iyang pagpauli.
Niadtong Enero 15, nipauli siya ug gidala dayon sa tambalanan sa Siyudad sa Mandaue, Sugbo.
Gawas sa legal nga tabang nga gihatag sa DMW RO-VII kaniya, ang mga personahe gikan sa WRSD nitabang sa pamilya sa ospital sa pag-fill-up sa form alang sa medikal nga tabang ubos sa Agarang Kalinga at Saklolo para sa mga OFW na Nangangailangan (AKSYON) Funds Program. / TAMPO