Niatras si Filipina tennis star Eala sa iyang partisipasyon sa Cincinnati Open sa Ohio, USA, gumikan kay nakasinati kini og angol sa iyang abaga, pahibalo sa Women’s Tennis Association (WTA).
Wala na’y laing mga detalye kabahin sa pagkaangol ni Eala gawas lang aning iyang pagpalta sa umaabot nga WTA 1000 Masters event, nga ipahigayon karong Agusto 9-19, 2025.
Mopuli ni Eala sa main draw mao si Renata Zarazua sa Mexico.
Mao kini ang labing unang higayon sa 2025 nga nakapalta og mayorihiyang kompetisyon si Eala, kinsa nisaka na karon sa no. 65 sa world rankings.
Sa iyang personal record, 17 ka sunodsunod nga mga kompetisyon ang gisalmutan ni Eala.
Niadtong Lunes, Hulyo 28, 2025, si Eala nisalmot sa Omnium Banque Nationale sa Montreal, Canada apan gitaktakdayon siya ni ex-Wimbledon champion Marketa Vondrousova. 6-3, 1-6, 2-6, sa 1st round pa lang. / ESL