Gisugat og kulbahinam nga pilde si Atlanta Hawks star Trae Young sa iyang pagbalik og duwa batok sa Charlotte Hornets, 115-114, ning Huwebes, Abril 11, 2024 (PH time) sa National Basketball Association (NBA).
Sulod sab sa 23 ka mga duwa nga wala nakapakita og aksyon si Young gumikan sa pagkapiang sa iyang wa nga kumingking.
Sa iyang pagbalik, nimugna si Young og 14 puntos ug 11 ka assists sulod lang sa 21 ka mga minutos nga pagduwa.
Ang Hawks kasamtangang naggunit og 36-44 nga rekord, ika-10 sa Eastern Conference. / AP