Malaumon ang lider sa Atlanta Hawks nga si Trae Young nga hingpit na nga mahibalik ang iyang kalantip sa ilang pag-asdang sa Chicago Bulls sa Eastern Conference Play-in Tournament sa National Basketball Association (NBA) ugma, Abril 18, 2024 (PH time).
Sulod sab sa 23 ka mga duwa wala nakapakita og aksyon si Young sa regular season tungod sa pagkaangol sa iyang wa nga kumingking sa kamot.
Nakabalik na hinuon siya sa katapusang tulo ka mga duwa sa Hawks sa regular season apan tataw nga natay-an pa ang iyang abilidad. / AP