Tungod sa maayo niyang gipakitang duwa sa National Basketball Association (NBA) Summer League, si Japanese star pointguard Yuki Kawamura opisyal nga gipapirma sa Chicago Bulls og two-way contract alang sa 2025-26 NBA season.
Sa two-way contract, ang usa ka magduduwa puwedeng moduwa sa regular team sa NBA ug developmental team niini sa G League.
Si Kawamura, kinsa kanhi B.League MVP sa Japan, nag-average og 10.2 puntos, 2.4 rebounds, 6.2 assists ug 2.2 steals sulod sa lima ka mga duwa sa Summer League.
Sa niaging season, nakaduwa si Kawamura sa Memphis Grizzlies. / Gikan sa wires
