Niapil si business tycoon Manny V. Pangilinan sa listahan sa mga ninghatag og pinansyal nga pahalipay ngadto kang Filipino gymnast Carlos Yulo sa makasaysayong paglangkat niini og duha ka gold medals sa niaging 2024 Paris Olympics.
Ang bantugang tag-iya og tulo ka sister teams sa Philippine Basketball Association (PBA) nitunol og P10 million nga pahalipay alang ni Yulo, kinsa naghari sa floor exercise ug vault sa artistics gymnastics sa Paris Games.
Sa kinatibuk-an, kapin na sa P100 milion nga pahalipay ang nadawat ni Yulo.
Ang coaching team sa gitawag og Caloy gihatagan sab ni Pangilinan og P5 million.
Gitunolan sab ni Pangilinan og P2 million kada usa ang boxing bronze medalists nga sila si Nesthy Petecio ug Aira Villegas. / ESL