Gipabuhagay ni Filipino gymnastics star Carlos Yulo nga nagplano siyang mosalmot og tulo ka mga kompetisyon sa sunod tuig.
“May gusto ako salihang competition pero tatlo lang po sasalihan ko: Asian Championships, World Championships, and SEA Games,” matod ni Yulo sa interbyu sa www.abs-cbnnews.com atol sa exclusive tour sa usa ka ice cream company sa Malvar, Batangas.
Ang maong kompanya nipahalipay ni yulo og P2-million check ug usa ka tuig nga supply og ice cream tungod sa iyang makasaysayong paglabni og duha ka gold medals sa niaging Paris Olympics.
Ang laing Olympians nga sila si boxers Nesthy Petecio ug Eumir Marcial naa sab sa tour hasta si Gymnastics Association of the Philippines (GAP) president Cynthia Carrion.
Si Petecio, kinsa naka-bronze medal sa Paris, gipahalipayan og P300,000 samtang si Marcial, kinsa wala nakakuha og medalya sa Paris, gitunolan og special recognition.
Matod ni Yulo nga nagplano siyang mobalik sa training karong Nobiyembre, 2024.
“Siguro mga late November mag-start na ako pakonti-konti. Pero mag-start na po talaga ako 2025 na po, January dun mag-start mga training camp,” batbat ni Yulo. / ESL