Yulo naka-gold na sa individual all-around

Carlos Yulo.
Carlos Yulo.File photo

Sa labing unang higayon, nakalangkat og gold medal si Filipino gymnast Carlos Yulo sa individual all-a­­round competition nga na­hitabo niadtong Huwebes, Mayo 16, 2024, sa 2024 AGU Artistic Gymnastics Asian Championships sa Tashkent, Uzbekistan.

Si Yulo, kinsa usa sa Filipino athletes nga naka-qualify na sa umaabot nga 2024 Paris Olympics, nakapundo og total score 84.931 aron ibulsa ang ikapito niyang overall nga kadaugan sa Asian competition.

Nisakmit sa silver me­dal mao si Milad Kamiri sa Kazakhstan (84.632) samtang nikuha sa bronze medal mao si Abdulla Azimov sa Uzbekistan (82.431).

Ang dugay na nga gihandom ni Yulo nga gold medal sa individual all-around nahitabo duha ka mga buwan sa dili pa ang Paris Games.

Kining maong kalampusan tataw nga nakahatag kang Yulo og dugang kadasig aron makabawi sa ngil-ad niyang performance sa miaging edisyon sa Olympics nga gipahigayon sa Tokyo, Japan. / ESL

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph