Yuta sa Kapitolyo giuli sa foundation

Capitol-Cebu
Capitol-CebuGoogle Street View

Ang Pagtambayayong Foundation Inc. (PFI) niadtong Miyerkules opisyal nga niuli ngadto sa Cebu Provincial Government sa 8.4 ka ektarya nga “undeveloped” nga mga propyedad nga naa sa Barangay Kalunasan, dakbayan sa Sugbo.

Usa ka kasabutan nga gipirmahan ni Cebu Gov. Gwendolyn Garcia ug PFI president Jane Tumagon niadtong Disyembre 13, 2023, tipik nga nilibkas sa joint venture agreement (JVA) sa duha ka partido, sumala sa taho gikan sa Sugbo News, ang opisyal nga media arm sa kagamhanang probinsiyal.

Kini human ang nahibiling 8.4 ka ektarya sa 24 ka ektarya nga gitanyag ngadto sa PFI sa kagamhanang probinsiyal alang sa housing development kapin sa 30 ka tuig nagpabiling wala maugmad ug wala gitrabaho tungod sa kakulian sa panalapi sa foundation.

Ang pagpirma niadtong Miyerkules gisaksihan nila ni Provincial Attorney Donato Villa, Capitol real estate division chief Jose Yuson, ingon man sila si PFI executive director Paula Fernandez ug kanhi executive director Francisco “Bimbo” Fernandez.

Sa pakighinabi sa telepono niadtong Huwebes, Disyembre 14, si PFI executive director Fernandez nitug-an sa SunStar Cebu nga opisyal nga gisalikway sa PFI ang ilang katungod sa pag-develop sa nahibiling idle lots alang sa socialized housing program ubos sa JVA pabor sa provincial government, nga nanag-iya sa mga lote.

Siya miingon nga ang Kapitolyo gusto nga paspasan ang pagpalambo sa nahabilin nga mga idle nga lote apan, walay capitalization o pundo ang PFI aron mapadali ang pagpatuman sa socialized housing program sa pagkakaron.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph