Gibanabanang moabot og labing menos 10 ka mga adlaw nga dili makaduwa ang pambatong big man sa New Orleans Pelicans nga si Zion Williamson sa 2025-26 National Basketball Association (NBA) human siya na-diagnose og Grade 1 left hamstring strain.
Usa kini ka bug-at nga kalbaryo nga pagapas-anon sa nagkagidlay nga Pelicans.
Hinuon bisan wala si Williamson, ang Pelicans nakamaneho pagbuntog sa Charlotte Hornets, 116-112, ning Miyerkules, Nobiyembre 5, 2025 (PH time), aron irehistro ang labing una nilang daog sulod sa pito ka mga duwa ning maong season. / Gikan sa wires