SUBLING miinit ang bangi tali duha ka armado nga grupo nga suma pa sakop sa Moro Islamic Liberation Front (MILF) sa Cotabato.
Sali nga namakwit ang mga sibilyan nga nanimuyo sa may Purok 4, Barangay Banucagon, Pigcawayan, Cotabato human miulbo ang kagubot alas 4:30 sa hapon, Abril 24.
Gibutyag ni Cotabato Police Provincial Director Colonel Gilberto Tuzon nga nagkaengkwentro ang duha ka armadong grupo sa dapit.
Sa kalisang sa mga buto-buto sa armas, nagdinaganay ang mga molupyo sa lugar padung sa luwas nga dapit.
Suma sa militar nga ang magkabangi nga grupo nag-ilugay sa yutang giugmad.
Sa kagubot, usa na ang napatay samtang upat ang angol.
Napagan sa kagubot gipahiluna sa covered court sa Barangay South Manuangan ug Municipal Gym sa Pigcawayan.
Gi-deploy na ang militar ug kapulisan sa Barangay Banucagon aron mapugngan nga mas mograbe pa ang kagubot. (Edgardo E. Fuerzas)