15 miyembro sa BIFF gipili ang kalinaw

15 miyembro sa BIFF gipili ang kalinaw
Tampo nga hulagway

SA TUMONG nga manginabuhing normal ug malinawon, 15 ka mga sakop sa Bangsamoro Islamic Freedom Fighters (BIFF-Karialan faction) ang misurender sa otoridad, Marso 26 sa Maguindanao Del Sur.

Ang kinse ka mga kanhi terorista mihangop sa 6th Infantry (Redskin) Battalion Philippine Army nga gipangulohan ni Colonel Michael Glenn Manansala sa Barangay Buayan Datu Piang Maguindanao Del Sur.

Bitbit sab sa mga misurender ang ilang mga gamit na armas, bala, magasin, lakip na improvised explosive device (IED).

Mga misurender gipresenta ngadto kang Brigadier General Oriel Pangcog, commander sa 601st Brigade, Colonel Neil Alfonso Roldan, deputy brigade commander sa 602nd Brigade, Maguindanao Del Sur Vice-Governor Datu Nathaniel Midtimbang og ubang lokal nga opisyales.

Midawat sab og ayuda ang mga rebelde nga magamit nila sa pagsugod sa ilang bag-ong kinabuhi.

Si 6th Infantry (Kampilan) Division Chief ug Joint Task Force Central Commander Major General Alex Rillera nanawagan sa ubang rebelde nga motahan na og balik sa gobyerno.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph