16 anyos nga natug gi-ulo og pusil

16 anyos nga natug gi-ulo og pusil
File photo

TACURONG CITY -- Personal nga atraso ang gilantaw sa awtoridad nga motibo sa pagpusil patay sa usa ka estudyante alas 12:10 sa kaadlawon, Huwebes, Marso 21, 2024, didto sa Sultan Kudarat Province.

Giila ang biktima nga si Allen John Sumagpao Parondo, 16, nagpuyo sa Purok 2, Barangay Impao, Isulan, Sultan Kudarat.

Gibutyag ni Sultan Kudarat Police Provincial Director Colonel Christopher Bermudez nga nahitabo ang krimen samtang natulog ang biktima sa traysikel uban ang iyang barkada kilid sa national highway sa Purok Paghidait, Barangay Impao.

Miabot ang duha ka suspek, dungan bunot sa .45 nga armas ug gipusil ang biktima.

Dali sab nga mikabayo sa motor ang mga suspek ug misibat paingon sa direksiyon sa Esperanza, Sultan Kudarat.

Gitabang ang biktima padung sa Sultan Kudarat Provincial Hospital apan gideklara kini nga dead on arrival sa mga doktor.

Ang biktima nakaangkon og samad sa ulo.

Gipanubayan na sa kapulisan sa Isulan ang pagpatay sa estudyante. (Edgar E. Fuerzas)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph