17-anyos wala gilugos — Calinan PNP

17-anyos wala gilugos — Calinan PNP
Gipaambit nga hulagway sa Calinan PNP

GILIMOD ni Calinan Police Station, commander Police Major Alberto Abella, nga dunay attempted rape nga nahitabo sa Campo 4, Barangay Talomo River, Calinan District, Davao City, Dominggo sa gabii, Marso 17, 2024. 

Sa report sa KAMM Media Network gisaysay ni Major nga dali silang mipahigayon og imbestigasyon human nabaniog ang maong istorya.

Sa imbestigasyon nasayran, nga walay nahitabo nga rape o attempted rape nga gikatahong gikalambigitan sa usa ka 17-anyos nga si alyas Liza. 

Saysay sa biktima, nakasakay og sidecar nga itom pauli sa ilang balay sa susamang barangay niadtong adlawa gikan sa eskwelahan sa eskuwelahan sa Dacudao, human silang nagmuntar og decoration alang sa ilang sportsfest.

Gikanayon nga tulo ka mga lalaki ang iyang nakasakay sa sidecar, ang driver, ang usa ka lalaki nga naglingkod likod sa driver ug ang usa tupad sa driver diin tapad siya. 

Namatikdan suma pa ni alyas Liza nga nakainom ug nanimaho og bino ang tulo ka mga lalaki. 

Sa panahon nga mihunong ang sidecar kay nangihi ang usa sa mga lalaki, didto na nakahigayon si alyas Liza ug mikanaug sa sidecar. 

"Giadtoan namo mismo ang biktima naa pa gani iyang papa, wala gyo’y nahitabo nga gigunitan iyang mga tiil, gihilabtan siya o gipasakitan, ninaug lang gyud siya sa sidecar kay nahadlok siya kay nanimaho og ilimnon ang mga lalaki, nahadlok pud siya kay duol ra sa lugar asa nakita si Architect Bragas," sumala ni Major Abella nga nahinabi sa KAMM Media Network. (Uban sa taho ni Cheche Diabordo, KAMM Media Network Davao)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph