PATAY ang usa ka 18-anyos nga lalaki human nalumos sa usa ka beach resort sa Barangay Dahican, Mati City, Davao Oriental niadtong Sabado, Abril 6, 2024.
Sa pahayag sa Philippine Coast Guard (PCG) Davao Oriental, naligo ang biktima kuyog ang mga higala dihang naanod siya sa dakong balud.
Narekober ang patay nga lawas sa biktima mga pasado alas 5 na sa hapon sa samang adlaw.
Gisulayan pa pagluwas ang biktima sa mga rescuers pinaagi sa usa ka cardiopulmonary resuscitation (CPR) apan patay na kining nahidangat sa ospital.
Nagpahimangno na daan ang PCG una ang insidente nga likayan ang pagligo sa dapit tungod sa kusog nga hangin ug balud. (JPC/PR)