2 bata gigukod sa banakon

2 bata gigukod sa banakon

DUHA ka mga batang lalaki ang gipanggukod og banakon, diin maayo nalang sila nakalingkawas samtang ang banakon sa ilang bag kini nakapaak.

Sa usa ka video nga mikatag sa social media, gipaambit sa usa ka magtutudlo sa Sta. Maria, Davao Occidental ang nahitabo sa duha ka mga batang lalaki nga nag-edad og 8-anyos.

Nasayran nga gikan sa eskwelahan ang mga bata pauli na sa ilang pinuy-anan alas 5:45 sa hapon, Abril 5, 2024 sa dihang gigukod sila sa dakong banakon.

Sa video nga gipost sa magtutudlo, giingon niini nga gipaak na unta sa banakon ang usa sa mga bata, apan ang bag niini ang napahit sa bitin.

Nakadagan ang mga bata ug gitabangan sa mga tawong anaa sa palibot.

Napatay sab ang maong bitin human nga giayog tigbas sa mga tawo nga mitabang pagluwas sa duha ka mga bata. (Jeepy P. Compio)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph