2 gi-ambush kritikal

PABILING nakigbugno sa ilang kinabuhi ang duha ka mga biktima sa pagpamanhig sa siyudad sa Cotabato, alas 11 sa gabii, Marso 26, 2024.

Mga biktima mao sila Mohammad Mohaimin Abdullah, 41-anyos, trabahante sa gobyerno, ug Beverly Namla, medical secretary nga taga Cotabato City.

Subay sa report sa kapulisan nga sakay ang mga biktima sa usa ka kotse ug nagsubay sa dalan sa Sinsuat Barangay Rosary Heights 6 dihang miatang ang mga suspek nga nakamotor, dayun paarak kanila sa mga bala sa M16 armalite rifle ug kalibre .45.

Mga biktima gitabang sa mga tawo sa palibot diin gidala sila sa Cotabato Regional and Medical Center (CRMC) ug anaa sa kritikal nga kahimtang.

Kapulisan milusad sa ilang imbestigasyon diin usa sa anggulong gilantaw mao ang rido.