2 menor naluwas; 1 hamtong gipriso

2 menor naluwas; 1 hamtong gipriso
Hulagway gikan sa Talomo Police Station

TINGKAGOL ang 18-anyos sa prisohan samtang na-rescue sa kapulisan sa Talomo Police Station ang duha ka mga menor de edad nga nagpangedaron og 15-anyos ug 16-anyos human nga namaligya og marijuana.

Mga nahisgutan nadakpan sa duha ka managlahing buy-bust operation sa Talomo PNP alas 6 sa gabii niadtong Mayo 12 ug kaadlawon niadtong Mayo 13, 2024 sa Talomo District, Davao City.

Sumala ni Talomo PNP station commander Police Major Rosario Aguilar nga subay kini sa impormasyon nga gihatag kanila sa nagpakabana nga katawhan.

Gilayong gihimo ang test buy ug sa dihang nagpositibo, gilayong gikasa ang buy-bust operation.

Nangadakpan ang mga nahisgutan ug nakuha sa ilang posisyon ang mga pinaugang dahon sa marijuana.

Kasong pagsupak sa Republic Act 9165 kun Comprehensive Dangerous Drugs Act of 2002 ang atubangong kaso sa 18-anyos, samtang ang duha ka menor de edad gi-turnover sa hintungdang ahensiya sa gobyerno.

Panawagan karon sa Talomo PNP sa komunidad nga mohatag og impormasyon kanila sa mga ilegal nga aktibidad sa ilang ginsakupan pinaagi sa mga numero nga (082) 297-1598 o di kaha sa 09194439634 o i-dial ang 911.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph