GIPANG-RESCUE sa Bajada Police Station ang duha ka mga menor de edad human nga namaligya og pinaugang dahon sa marijuana alas 7 sa gabii, Hunyo 10, 2024, sa Purok Poineer, Barangay Wilfredo Aquino, Davao City.
Ang operasyon gipangunahan ni Bajada PNP acting station commander Police Major Marvin Hugos.
Sumala sa Davao City Police Office (DCPO) nga nakig-koordinar pinaagi sa text message ang duha ka menor de edad nga mobaligya og marijuana.
Gilayong gikasa sa Bajada police ang buy-bust operation nga miresulta sa pagka-rescue sa duha ka mga menor.
Anaa sa P18,000 ang standard drug price sa pinaugang dahon sa marijuana nga nakuha gikan sa posisyon sa mga menor de edad.
Giindorso na sa Bajada PNP ang duruha ngadto sa Quick Response Team for Children’s’ Concern sa dakbayan sa Davao. (Jeepy P. Compio)