2 namaligya’g kinawat, giposasan

2 namaligya’g kinawat, giposasan
Hulagway gikan sa Carmen Municipal Police Station

GIHIKAY na ang tukmang kaso nga ipasaka batok sa duha ka mga lalaki nga nadakpan human namaligya'g kinawat nga mga fertilizer sa Brgy. Tubod, Carmen alas 12:00 sa udto, Sabado, Nobiyembre 25, 2023.

Ang mga suspek giila nga sila alyas Payat ug alyas Dodong, pulos molupyo sa Barangay Tubod, Carmen.

Subay sa report sa kapulisan, usa ka alyas Boss nga taga Barangay Tubod ang mitaho sa Carmen Municipal Police Station kabahin sa nahitabong kawat sulod sa iyang umahan sa nahisgutang dapit.

Tuod man sa pagkadawat sa maong taho, kapulisan sa Carmen Municipal Police Station niresponde aron mohimo og imbestigasyon.

Pag-abot sa nahisgutang lugar, malampuson nga naaresto sa kapulisan ang mga suspek human positibong giila sa biktima ug sa saksi.

Subay sa pagsusi, nasayran nga ang biktima nga si alyas Boss niabot sa iyang farmhouse nga nakamatikod nga ang mga botelya sa iyang Foliar liquid fertilizer nangawala na sulod sa storage room.

Matud pa nga dagta’g pila ka mga segundos, ang higala ni alyas Boss nga si alyas Bay nitawag pinaagi sa selpon ug nagpahibalo kabahin sa nahisgutang mga suspek nga pulos trabahante mismo alyas Boss nga sumala pa gibaligya kaniya ang 30 ka mga botelya sa 600ml Foliar liquid fertilizer.

Giingong nasayod ang mga suspek nga si alyas Bay maoy nag-inusarang distributor sa maong fertilizer sa ilang barangay.

Narekober gikan sa posisyon sa mga suspek ang 27 ka buok botelya sa 600ml Foliar liquid fertilizer ug lain pang tulo ka buok botelya sa 600ml Foliar liquid fertilizer nga kolor puti ingon man usa ka sako sa kolor green.

Mga dinakpan gikustodiya na sa Carmen Municipal Police Station.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph