DUHA ka mga tawo ang malampuson nga nasignit sa mga awtoridad tungod sa kalapasan sa Republic Act 9165 ug pagkasakmit sa gituohang shabu nga dunay standard price nga P65,960.
Mga suspek nadakpan pinaagi sa gilusad nga drug bust operation sa kapulisan sa Police Station 1, Sta. Ana Station Drug Enforcement Team sa Nagsil Village, Barangay Centro, Agdao District, Davao City, Martes sa kaadlawon, Hunyo 17, 2025.
Giila ang mga dinakpan nga sila alyas Teting, lalaki, 36-anyos, fork lift operator, ug si alyas Jenelyn, babaye, 33-anyos, therapist nga pulos molupyo sa Nagsil Village, Barangay Centro, Agdao District.
Nasakmit sa kapulisan gikan sa mga suspek ang mga mosunod: usa ka heat-sealed transparent plastic sachet nga nagbaton sa gituohang shabu; laing usa pa ka heat-sealed transparent plastic sachet nga nagbaton og gituohang shabu; usa ka PC rectangular heat sealed transparent plastic sachet nga nagbaton gihapon og shabu; usa ka yunit sa Vivo touch screen cellular phone; usa ka PC doublement container; ug usa ka tinuod nga P500 nga papel nga dunay serial number CB8869030.
Mga suspek ug ang napalit ug nasakmit nga mga illegal nga druga nga gibanabana nga P65,960 ug uban pang ebidensiya naa karon sa kustodiya sa Sta. Ana PNP alang sa tukmang disposasyon. (Wenz G. Mendoza)