2 pari naluwas sa disgrasiya

2 pari naluwas sa disgrasiya
Tampo nga hulagway

NAGPAALIM na sa balay tambalanan ang usa ka pari ug iyang mga kauban human madisgrasiya ang ilang gisakyan alas 7:00 sa buntag, Miyerkules, Mayo 1, 2024, sa General Santos City.

Giila ang naangol nga nga si Fr. Leo Acierto, 79 anyos, ug kauban nga si Auxel John Ampo, 25 anyos.

Samtang luwas sab ang laing pari nga maoy nagmaneho sa pickup nga gisakyan nga si Fr. Jeffty Mendez.

Matud ni General Santos City Police Office Director Colonel Diocomedes Alaivar nga gimaneho ni Fr. Mendez ang pickup uban ang mga naangol sa Diversion Road sa Barangay Sinawal nga paingon unta sa Gensan airport.

Apan kalit lang nahulog sa lawom nga bahin sa guba nga kalsada ang pickup ug nabalintong.

Walay warning device ang kalsada, hinungdan nga wala mabantayan ni Fr. Mendez ang lubaong nga parte sa kalsada.

Mga naangol gidala sa balay tambalanan sa Gensan ug luwas na sa makuyaw nga kahimtang.

Paingon unta sa airport ang mga biktima alang sa ilang biyahe padulong sa Bohol niadtong higayona.

Tungod niini, naghangyo si Fr. Mendez sa Department of Public Woks and Highways nga butangan og mga warning device ang mga guba nga parte sa kalsada sa siyudad. (Edgar E. Fuerzas)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph