2 pulis nanumod P4M balor sa shabu

2 pulis nanumod P4M balor sa shabu
PDEA-BAR

PASAKAAN og kasong administratibo ug kalapasan sa Republic Act 9165 o Comprehensive Dangerous Drug Act of 2002 ang pulis nga sakop sa Sultan Kudarat Municipal Police Station ug lain pang pulis human madakpi nga naghupot og P4 milyon nga kantidad sa shabu sa drug buy-bust operation alas 7:05 sa gabii, Sabado, Enero 6 sa siyudad.

Mga suspek giila nga si Staff Sergeant Mujeeb Bitayo Sep sa Sultan Kudarat MPS, Maguindanao del Norte ug si Farida Alim Alfonso.

Gibutyag ni Cotabato City Police Office Director Colonel Querubin Manalang nga nagpahigayon og drug buy-bust operation ang mga sakop sa Philippine Drug Enforcement Agency-Bangsamoro Autonomous Region (PDEA-BAR), uban ang kapulisan ug mga sakop sa Marine Battalion Landing Team 5 sa Quezon Avenue, Parang Road, sa siyudad sa Cotabato.

Sa dihang gitunol na sa mga suspek ang shabu ngadto sa PDEA-asset, dali silang giambakan ug giposasan.

Narekober sa mga suspek ang 12 ka dagkong pakite sa shabu nga nagkantidad og P4,080,000 ug ubang mga kagamitan.

Gikanayon sa PDEA-BAR nga high value target si Sep nga dugay na nila nga gipanid-an.

Tingkagol na ang mga suspek sa selda sa PDEA-BAR sa Cotabato City ug gihan-ay na ang pagpasaka sa mga tukmang kaso batok kanila.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph