SUKAD 2002, ang Central 911 sa Davao City nagahatag na ngadto sa publiko og arang panerbisyo sa pagtubag sa emerhensiya nga libre ug milihok 24/7.
Ang mayor (nga karon kanhi presidente) Rodrigo Duterte nag-establisar sa Central 911 aron nga maseguro nga Dabawenyos makadawat og igong serbisyo sa emergency and medical response.
Aron nga palapdan pa ang iyang pagserbisyo ngadto sa komunidad ug magseguro sa tunhay ug epektibo nga disaster emergency response ug kaandam, nag-establisar ang Central 911 og mga satellite substations sa geographically isolated and disadvantaged nga mga lugar sa dakbayan.
Si Alfredo Baloran, pangulo sa City Disaster Risk Reduction and Management Office (CDRRMO), nagsulti nga kasamtangan ang Central 911 duna nay lima ka operational satellite stations nahimutang sa Baganihan, Calinan, Toril, Panacan, ug Cabantian.
Sa iyang ika-23 ka tuig, ang Central 911 nagtinguha nga makatukod na sab og lain pang duha ka substations sa Lasang ug Malabog.
Kini nga mga satellite substations hitsasan og Emergency Medical Service (EMS), fire trucks, ug mga personahe sa USAR.
Samtang padayon ang Central 911 sa paglusad og pagpalambo sa ilang mga serbisyo, ekipo, ug mga inisyatibong pagbansay nga wala lang mag-andam sa ilang mga personahe apan usab sa ubang mga sektor sa komunidad.
Gikanayon sab ni Baloran nga pinaagi sa real-time dispatch system sa Central 911, "interoperability among the security cluster, disaster response cluster, and allied agencies becomes seamless."
Kini magtugot alang sa epektibo ug igong response time ngadto sa sitwasiyon sa emerhensiya nga magseguro sa kaluwasan ug seguridad sa mga molupyo sa dakbayan.
Uban sa mga serbisyo gikan "emergency medical services, fire prevention and response, urban search and rescue (USAR), and other emergency support services," ang Central 911 wala lang nag-alagad sa Dabawenyos apan naghatag sab og suporta sa ubang mga kasiyudaran ug probinsiya atol sa kalamidad.
Gipadala na ang USAR team ngadto sa ubang mga lokasyon gawas sa dakbayan aron paghatag og abag atol sa mga kalamidad apil ang search and rescue operations sa Visayas human niigo ang Super Typhoon Yolanda niadtong 2013, ug ang bag-ohay nga landslide sa Maco ug Masara ug daghan pang uban.
Niadtong 2016, Davao City’s Central 911 nahimo pang sumbanan sa National Emergency Hotline 911.
Nipaambit si Baloran nga matag adlaw, ang ilang buhatan nagtagad sa nagkadaiyang local government units ug mga pribadong institusyon nga nag-"benchmark" sa ilang maayong mga praktis ilabi na sa Central 911.
Nakadawat na sab ang Central 911 og daghang mga pasidungog ug pag-ila apil ang Gawad Kalasag Hall of Fame award niadtong 2024.
Ang Gawad Kalasag gikonsidera nga pinakataas nga pasidungog nga gihatag sa local government units sa nasud nga nipakita og talagsaong disaster risk reduction and management response, apil na ang humanitarian assistance programs.
Gidaug sa Davao City ang pasidungog sa daghang higayon sa imaging katuigan nga naghimo kaniya nga maoy pinakauna nga local government unit sa Pilipinas nga gipahimutang isip Hall of Famer.
Kini mao ang testamento sa pagkakomitado sa City Government of Davao, pinaagi sa Central 911, ngadto sa "disaster-resilient," ug luwas nga Davao City. (CIO-Davao)