GENERAL SANTOS CITY - Gi-officiate mismo ni Mayor Lorelie Geronimo Pacquiao ang kasal sa 27 ka bag-ong magtiayon sa usa ka grand mass wedding Pebrero 14, 2024 sa Greenleaf Hotel sa siyudad.
Ang Valentine's Day Wedding gipasiugdahan sa Local Government Unit sa General Santos City pinaagi sa Office of the Local Civil Registrar.
Sa mensahe ni Mayor Pacquiao, iyang gitambagan ang mga magtiayon nga himuong sentro sa ilang relasyon ang Ginoo ug gihangyo nga mapuno sa kalipay ug grasya ang ilang kaminyoon.
Ang LCR department head, Nenita F. Ellivera nagpasalamat kang Mayor Pacquiao ug sa tanang stakeholders nga mitabang sa maong aktibidad aron mahimo kining espesyal nga adlaw alang sa pangasaw-onon.
May regalo sab ang mayor sa matag pares diin ang matag paresan makadawat sab og usa ka sakong bugas gikan sa lokal nga kagamhanan sa Gensan.
Gawas niini, makadawat usab sila og regalo gikan sa Bobslor Pacquiao Foundation, Inc.
Ang Valentine's Day Wedding gitambungan usab ni ABC President, Hon. Bobby Pacquiao, Konsehal Odjok Acharon, Konsehal Atty. Jun Lagare, Jr., Pag-IBIG Manager, Laarni Mabanglo, Chief Statistical Specialist PSA-Sarangani, Mr. Ismael Ramos Jr., Representante sa PSA Region XII, Mr. Hasanal Ismael, ug staff gikan sa LCR.