28 ka balay gibungkag sa buhawi

Mga punoan sa kahoy nangalarot sab
28 ka balay gibungkag sa buhawi
Hulagway sa Unlad Kabacan pinaagi ni Edgar E. Fuerzas.

KIDAPAWAN CITY — Makusog nga ulan inubanan sa buhawi ang miigo sa lungsod sa Kabacan Cotabato alas 3:40 sa hapon, Sabado, Disyembre 9, 2023.

Mokabat sa 28 ka balay ang giguba sa kusog nga hangin ug 22 ka pamilya ang apektado sa Brgy. Osias ug Brgy. Katidtuan sa lungsod sa Kabacan.

Nangatumba usab ang pipila ka mga punoan sa kahoy daplin sa national highway sa Brgy. Katidtuan ug Osias nga nakababag sa national highway diin pipila ka mga poste sa kuryente ang mitahirig maong nawad-an og suplay sa kuryente ang lungsod sa Kabacan.

Miresponde dayon ang mga sakop sa MDRRM, KIQRT, BDRRMC sa Brgy. Osias ug Katidtuan uban sa mga miyembro sa BPAT ug Barangay Volunteers Responders.

Walay gikataho nga naangol sa kusog nga hangin o buhawi apan nakahatag kini og kahadlok sa mga residente.

Nakig-alayon pa ang lokal nga kagamhanan sa ubang barangay sa maong lungsod. 

Sa pagkakaron, ang bahin sa national highway sa Brgy. Katidtuan ug Brgy. Osias ang maagian na.

Samtang, padayon usab nga giayo sa COTELCO ang mga poste sa aron mabalik ang suplay sa kuryente.

Bisan pa sa makalilisang nga hitabo, padayon nga nagpasalamat si Kabacan Mayor Evangeline Pascua-Guzman nga walay naangol tungod sa ulan ug kusog nga hangin. 

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph