292 MILF, MNLF nahimong pulis

292 MILF, MNLF nahimong pulis
PRO-Barmm

MOKABAT sa 292 ka mga kanhi manggugubat sa Moro Islamic Liberation Front (MILF) ug Moro National Liberation Front (MNLF) nakagraduwar sa unom ka bulan nga Bangsamoro Police Basic Recruitment Course sa Police Regional Office sa Bangsamoro Autonomous Region.

Mga nahisgutan mao ang ikaduhang hugna nga gipailawom sa pagbansay-bansay sa Bangsamoro Training Center-National Police Training Institute sa wala pa manumpa isip mga patrolman ug patrolwomen.

Nanguna si PRO-BAR Regional Director Brigadier General Prexy Tanggawohn sa pagtapos sa Batch 2023-02 Class Alpha-Foxtrot "Himaglasik".

Matud ni Tanggawohn nga dili lang ang ilang gradwasyon ang motapos sa paghulma kanila isip maayong mga pulis, apan moagi usab sila og pagbansay-bansay aron mahimong epektibong tigpatuman sa balaod.

Giawhag usab sa opisyal ang mga bag-ong pulis sa pagserbisyo nga may integridad, disiplina, pagsunod sa balaod, pagtahod sa tawhanong katungod ug pagkamaunongon sa gipanumpaan nga katungdanan.

Kahinumdoman nga si President Ferdinand “Bongbong” Marcos Jr., personal nga nangulo sa gradwasyon sa 100 ka sakop sa unang hugna nga mao ang Batch 2023-01 Bakas-Lipi Alpha-Bravo Class sa PRO-BAR niadtong Abril 29, 2024. (Edgar E. Fuerzas)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph