BISAN pa sa grabeng mga hagit nga giatubang sa kagamhanan sa pagpaila sa 400 ka mga sakop sa Moro Islamic Liberation Front (MILF) ug Moro National Liberation Front (MNLF) ngadto sa han-ay sa kapulisan, 294 niini ang nanumpa na sa katungdanan ug ipaubos sa katungdanan isip mga bag-ong pulis.
Sama sa unang batch nga 102 ka MILF ug MNLF, ang nasangpit nga gidaghanon niagi usab sa makuti nga physical ug psychological test ug background investigation nga nagpakita og kaisog ug dedikasyon sa pagserbisyo sa katawhan.
Kalabot niini, si Department of Interior and Local Government (DILG) Secretary, Atty. Benjamin "Benhur" Abalos Jr. nagkanayon nga mga bag-ong pulis gipresentar kaniya ni Police Regional Office - Bangsamoro Autonomous Regional (PRO-BAR) Director, PBGen. Allan Nobleza.
Gipasalamatan sa kalihim ang tanang mga tawo nga nagkugi aron mahimong malampuson ang programa.