MIHANGYO ang mga ginikanan sa tulo ka mga bata nga nangalumos sa dagat og gamay nga hinabang sa katawhan samtang nagpadayon nilang gilamayan ang ilang anak kinsa nangalumos-patay niadtong adlaw’ng Sabado, Abril 13, 2024 sa South San Juan, Agdao District, Davao City.
Sa Facebook post sa netizen nga si Ry Llanes, iyang gisaysay diha sa kapsyon sa iyang mga kuhang hulagway gikan sa haya sa tulo ka mga bata nga mihangyo og gamay nga hinabang ang mga ginikanan.
Ang tulo ka mga bata mao sila Johann Rylle Generosa, 4-anyos, Gabielle Roque, 7-anyos, ug si Alexis Pastor, 7-anyos, pulos nagpuyo sa South San Juan, Agdao District, Davao City.
Saysay sa ginikanan sa mga bata nga dili suma pa sila nagaadtoan og dagat ug layo pa sab ang dagat sa ilang panimalay, apan niadtong higayonan wala suma pa nila nabantayan nga nangadto na diay ang mga bata.
Nagtuo lamang sila nga naa lamang kini sa internetan o nagdula lamang sa gawas gumikan kini suma pa ang halos ginahimo sa ilang mga anak, saysay kini sa ginikanan sa tulo ka mga bata nga nangalumos.
Dugang saysay ni Llanes sa iyang kapsyon nga dili lamang kuno dayon hukman ang mga ginikanan sa tulo sanglit duna silay nagkadaiyang kinabuhi aron ug alang sa paglingkawas sa matag adlaw nga panginahanglan.
Alang sa ginagmay nga donasyon mamahimong i-message si Ry Llanes sa iyang Messenger. (Jeepy P. Compio)