3 holdaper dakpan atol sa tagay

3 holdaper dakpan atol sa tagay
(Hulagway kuha ni Mike Lape)

DAVAO DEL SUR — Nadakpan na sa kapulisan sa Digos City Police Station ang tulo ka batan-on nga maoy responsable sa pagpanulis sa ukay-ukayan niadtong Abril 28, 2024 sa Aurora Extension, Barangay Zone 3, Digos City.

Ang tulo ka mga dinakpan nag-edad ug 21-anyos, 22, ug 23-anyos, kinsa pulos residente sa Shariff Aguak, Maguindanao del Sur.

Nadakpan ang tulo sa gihimong follow up operation sa Digos PNP human ilang nailhan ang tulo pinaagi sa mga testigo ug uban pang mga ebidensya nga maoy nakatudlo sa mga nahisgutan.

Nailhan ang mga suspetsado pinaagi sa kuha sa closed circuit television (CCTV) camera.

Una na nga natangag sa mga nahisgutan ang kantidad nga P650,000 nga mga nagkadaiyang relo; cash nga P15,000; cellular phones; ug mga personal nga gamit sa mga trabahante.

Sa report nasayran nga misulod ang mga suspek sa maong tindahan nga nagpakaaron-ingnon nga mga kustomer nga nakasuot og jacket ug bonnet dayon mideklara’g hold-up dungan sa pagpanion og armas.

Ang tulo nadakpan gawas sa usa ka balay sa Roxas Extension sa Dakbayan sa Digos samtang sila nagtagay human nga sila nakalapas sa oras sa liquor ban.

Sa pagsita, sila diay kadtong ginapangita, hinungdan nga gipangkapkapan diin nakuha sa ilang posisyon ang mga kinawat nga mga personal nga gamit, nakuhaan sab sila og granada, armas, ug mga bala nga anaa sulod sa giarkilahang balay. (JPC)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph