3 ka menor nanguha og tangkong nalumos, tipi

3 ka menor nanguha og tangkong nalumos, tipi
Pinaambit sa Matalam Emergency Response Team

NAGPATABANG ang pamilya sa tulo ka mga menor de edad nga magparyente kinsa nalumos sa fishpond alas 9:25 sa buntag, Miyerkules, Hunyo 26, 2024, Matalam, Cotabato Province.

Mga biktima nag-edad pa lang og 11 hangtud 13-anyos nga pulos mga molupyo sa Purok Narra, Barangay Dalapitan, Matalam.

Sumala kang Matalam Chief of Police, Lieutenant Colonel Arniel Melocotones, nga nanguha ang mga biktima og tangkong kilid sa fishpond sa Purok Santol, Brgy. Dalapitan.

Apan wa damha nga nahulog sa fishpond ang usa sa mga biktima ug gitabangan sa iyang mga ig-agaw apan sila sab nalumos sa lagpas tawo nga tubig.

Miabot pa og 30 minutos una nakaresponde ang ginsakpan sa Municipal Disaster Risk Reduction and Management Office (MDRRMO) tungod kay wala dayon makita sa mga nagpuyo sa Purok Santol ang mga biktima.

Gipahigayon dayon sa Matalam Emergency Response Team ang cardiopulmonary resuscitation (CPR) apan wala nay sinyales sa kinabuhi ang nadeparahan sa mga mag-agaw.

Samtang gipahinumdoman sa lokal nga panggamhanan sa Matalam ang mga ginikanan nga bantayan ang ilang mga anak aron malikayan ang disgrasya sama sa nahitabo sa tulo ka mag-agaw. (Edgar E. Fuerzas)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph