3 ka pulis giimbestigahan sa kamatayon ni Moralde

3 ka pulis giimbestigahan sa kamatayon ni Moralde
PRO-Barmm

GIIMBESTIGAHAN karon sa Philippine National Police (PNP) ang tulo ka pulis nga kauban ni Police Captain Roland Moralde dihang gipatay sa lima ka mga armadong lalaki sa merkado publiko sa Parang, Maguindanao del Norte niadtong Mayo 2, 2024.

Matud ni PNP-Barmm Public Information Officer Captain Airene Mazon, anaa na sa level sa Regional Internal Affair Service (Rias) ang kaso sa tulo ka mga pulis.

Ang tulo adunay ranggo nga lieutenant colonel, police captain ug usa ka patrolman, nga pulos sakop sa Regional EOD Canine Unit (Recu).

Una nang giingon sa police nga upat ka tawo ang kauban ni Moralde, apan atol sa imbestigasyon sa Rias, tulo lang.

Samtang, gipasakaan na og kasong administratibo ang duha ka pulis nga nalambigit sa pagpatay kang Moralde.

Kini gawas sa kasong pagpatay nga atubangon sa duha uban sa tulo ka mga at-large pa.

Kahinumdoman nga gisita ni Moralde ang usa ka tindero og buko juice nga si Mohiden Untal nga dunay dala nga pusil.

Apan mihulbot si Untal sa iyang armas ug nakigpinusilay kang Moralde.

Napatay si Untal ug midagan si Moralde apan gisundan siya sa mga armado nga kabanay ni Untal, duha niini mga pulis.

Napatay si Moralde nga gitabangan ug pusil sa mga kabanay ni Untal. (Edgar E. Fuerzas)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph