3 patay sa measleas outbreak sa BARMM

3 patay sa measleas outbreak sa BARMM

TULO na ang namatay samtang laing 592 ang nataptan sa tipdas sa Bangsamoro Autonomous Region in Muslim Mindanao (BARMM).

Ang maong ihap suma ni Ministry of Health (MOH-BARMM) Minister Dr. Zul Qarneyn Abas gikan sa Enero ngadto na Marso ning tuiga.

Sagad sa kaso gikan sa Lanao del Sur, 216; Maguindanao Del Norte, 163; Sulu, 91; Marawi City, 80; SGA ug Maguindanao Del Sur nga adunay 11 kaso; Basilan, 9; Cotabato City, 4; ug Tawi Tawi, 3.

Duha sa namatay gikan sa Lanao del Sur samtang ang usa gikan sa probinsya sa Sulu.

Dugang ni Abas, nga airborne ang tinubdan sa sakit busa gitambagan ang mga ginikanan nga pabakunahan ang tanang masuso nga nag-edad og siyam ka bulan alang sa unang bakuna ug 1-anyos alang sa ikaduhang bakuna.

Mga simtomas niini mao ang sip-on (coryza), pagpula sa mata (conjunctivitis), ubo, pula nga pantal sa panit ug hilanat.

"Makamatay ang tipdas busa ayaw kini ibaliwala," suma ni Dr. Abas.

Sa miaging tuig 2023, niabot sa 1, 175 ka tawo ang nataptan sa tipdas ug 11 niini ang nangamatay.

Sa Abril 1 hangtud 21, 2024, ang MOH mopahigayon ug libreng Measles Rubella Vaccination uban sa tabang sa Integrated Provincial Health Office (IPHO) sa matag probinsiya sa BARMM agi'g pagpalig-on sa kampanya kontra sa sakit. (EEF)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph