MOABOT sa 300 ka mga bata ang giproseso na nga ipasagop sa rehiyon sukad sa implementasyon sa Republic Act 1642, labing nailhan isip “Domestic Administrative Adoption and Alternative Child Care Act of 2022,” sumala sa opisyal gikan sa Regional Alternative Child Care-Davao Region (Racco-Davao Region).
Sa 300, 282 niini nakapahimulos sa domestic administrative adoption process, samtang ang 37 ka mga kaso natala ilawom sa SBRA No. 11222, o ang simulated birth record process, pasabot ang adoptive parents dili mao ang biological parents sa mga bata, giproseso na alang sa pagsagop sukad sa pagpatuman sa balaod sa Davao Region.
Hinuon bisan sa maong proseso, gibutyag sa Racco-Davao nga sukad 2022 hangtud ning kasamtangan, nakadawat sila og 24 ka mga kaso sa giabandona nga kabataan nga makita sa mga pampublikong lugar nga way mga kailhanan o walay makita nga legal birth document, samtang karong 2025 dunay tulo ka mga kaso.
Gikanayon ni Eden G. Macalino, officer-in-charge sa Racco-Davao Region, nga bisan kinsa mahimong makasagop bisan kung sila ulitawo o dalaga, magtiayon o bisan miyembro sa komunidad sa lesbian, gay, bisexual, transgender, queer, intersex, asexual
(LGBTQIA+). Matud niya nga ang pagsagop gitugtan basta ang mga indibiduwal makatuman sa mga kuwalipikasyon sama sa: kinahanglan nga kini nag-edad og 25-anyos ug dunay kapasidad nga moamoma sa bata "financially and psychologically".
Dugang pa niya, “Okay naman kung naay mga karamdaman, but an hour po na natin, if kanang karamdaman or illness or diseases is maka-handle sa iyang pag-take care sa mga bata na to.”
Ang RA 11642 naglatid sa prosesos sa pagsagop sa nasud pinaagi sa pagtransisyon niini gikan sa "judicial to an administrative framework". Kini nga balaod nagtumong sa paghimo sa domestic adoption sa Pilipinas nga mas "accessible and affordable". Kini nga balaod nag-establisar sa National Authority for Child Care (NACC) isip sentral nga ahensiya sa pagdumala sa pagsagop apil na ang alternatibong "child care services". (Cristine Joy S. Villanueva, SPAMAST Intern)