4 barangay sa Cotabato giwasi-wasi sa buhawi
Tampo nga hulagway

4 barangay sa Cotabato giwasi-wasi sa buhawi

PERTENG gubaa sa pipila ka panimalay gikan sa upat ka barangay human kini gikuso-kuso sa kusog nga hangin o buhawi didto sa probinsiya sa Cotabato alas 4 sa hapon, Marso 31.

Sa report gikan Municipal Disaster Risk Reduction and Management Office (MDRRMO-Kabacan), mibundak ang kusog nga ulan uban ang naghaguros nga hangin nga miigo sa pipila ka balay sa Barangay Bannawag, Magatos, Upper Paatan ug Barangay Kayaga Kabacan Cotabato.

Mga materyales sa balay daw papel human kini manglupad sa lainlaing direksiyon, samtang mga nanimuyo abtik nga nanghikllin aron maluwas ang kaugalingon.

Sa pagpanubay anaa sa 28 ka balay ang totally damaged samtang 57 ang partially damage tungod sa paghapak sa buhawi.

Ang 85 ka pamilyang apektado sa kalamidad giatiman na sa lokal nga gobyerno suma ni Kabacan Mayor Evangeline Pascua Guzman.

Related Stories

No stories found.
SunStar Publishing Inc.
www.sunstar.com.ph